سلام
هدير فرغلي | مصر
اللوحة للفنان المصري : محمد رضوان
سلام يا أبويا
سلام لكل واحد فارق حبيبه بدموع وحرقة
سلام بعدك آلمني جرح شجوني
وقلبي يبكي تواسيه عيوني
والغربه وحشة بعدك يا أبويا،
بأسمع كلامك في صوت أخويا
وعيونها بنتي تشبه عيونك
وعلي، صاحبك قابلته مرة قال دنيا مره أخدت حبيبي
عزاني يا آبا وعزى نفسه راح وهو بينادي عليك
دفنوك يا أبويا في أرض غربة وقالو أرضك ندهت عليك
بكيت يا أبويا ولسه حأبكي وقلبي ينزف من شوقه ليك ورفعت إيدي وفضلت أدعي رحمة الرحمن تؤنسك
ويبقي قبرك جنات ونور والريح تجيلك مسك وعطور
ومسكت قلمي وقعدت أكتب، قسمت وجعي بين السطور.
