حكاية من عمر الحلم
فادية حسين جمعة | لبنان
عضفة النهر في كوخ
من خشب الهوا مشغول
لون الارض أصفر
ورقة تغازل الورقة
غناني شجر
رقص الهوا وجنون
السما تعزف حب
قطرة مع القطرة
طيور تناغي طيور
غزلان حوالي الكوخ
موقدة ولعاني عشق
وجمر يحاكي جمر
غمرا تولع الغمرا
كرسي ناطر المحبوب
صبية بايدها كتاب
لابسة أحمر
من شفوف
عخدها فتح الورد
ينقط عسل مشهود
ونظرة تسابق النظرة
من بعيد حوافر خيل
طل الفارس المهيوب
حامل بايدو عشق
جاي ت يوفي الوعد
سكرة تعمد السكرة
شوي وزيزق الباب
فرحة عناق وحب
الشوق ملبك وملهوف
عيون تغزل غزل
قلبو يدق جراس
النبضة تفيق النبضة
حضنو حنين ودفا
غفوة عكتف الحلم
بحبك عطول العمر
خطفها من عيون الدهر
فوق الفرس لبعيد
مطرح ما الحلم مسموح
بنظرة ما قالت حرف
حلو العشق بجنون
بحبك انا
وشو بعد
غير الحلم مسموح
فاق الشوق موجوع
دمعة تحرق الدمعة
